Azərbaycan İdman Jurnalistləri Federasiyası yaradıldı
10.01.2020 , 16:17
Bu gün İdman Jurnalistləri Federasıyasının təqdimat mərasimi keçirilib.
Korner.az xəbər verir ki, mərasim Milli Olimpiya Komitəssində baş tutub. Tədbirdə Gənclər və İdman Nazirliyinin İdman Şöbəsinin müdiri Fərid Mansurov, Milli Olimpiya Komitəsinin baş katibi Ağacan Abıyev və təşkilatın rəhbəri, “İdman” qəzetinin baş redaktoru Qabil Hacıyev iştirak edib.
Təşikatın rəhbəri Qabil Mehdiyev federasiya haqda ümumi məlumat verib:
“İdman Jurnalistikasında boşluq var idi. Təşkilatlana bilmirdik. Qismət bu günə oldu ki, təşkilatı yaratdıq. Bütün idman jurnalistləri ilə birgə yola çıxdıq. Dünya təcrübəsindən istifadə edə bilmədik. Hər yerdə Assosasiya idi, bizdə bu addan istifadə edirdilər deyə başqa seçim etdik. Ədliyyə Nazirliyindən qeydiyyatdan keçmişik. Gənclər və İdman naziri Azad Rəhimova təşəkkür edirəm ki, bizə bu işdə dəstək oldu. Bu gündən fəaliyyətə başlayırıq. İdman mediasının həm sosial, həm də maliyyələşməsi baxımından problemləri var idi. Kadr çatışmazlığı da var. Əsas məqsədimiz idman mediasının sosial problemlərini həll etmək, sosial baza yaratmaq, yaşayış şəraitini yaxşılaşdırmaqdır. Bir sıra dövlət qurumları ilə danışıqlara başlayacağıq. İldə 1 dəfə qurultay təşkil edəcəyik ki, jurnalistlər yaşadıqları problemləri dilə gətirsinlər. Treniqlər və bölgələrdə tədbirlər keçirəcəyik. Xarici ölkələrdə beynəlxalq təcrübə keçəcəklər. Hər bir jurnalistin təşkilatımızda yeri var. Federasiyasının veb səhifəsi də hazırdır. Saytımız heç bir portalla rəqabət üçün yaradılmayıb. Digər mətbu orqanlarında olan müəyyən seçmə yazılar burada yerləşdiriləcək və ilin sonunda ən çox oxunan müəllifə mükafat veriləcək”.
