Azərbaycan güləşçisi reytinq turnirinin qalibi oldu
09.06.2024 , 10:15
![](https://korner.az/wp-content/uploads/2024/06/IMG_0981.png)
Macarıstanın paytaxtı Budapeştdə güləş üzrə reytinq turniri davam edir.
Korner.az xəbər verir ki, bu gün yunan-Roma güləşi üzrə millinin 2 üzvü mübarizəyə qoşulub.
Murad Məmmədov (63 kq) 1/4 finalda macarıstanlı Levente Tota (11:0), yarımfinalda isə iranlı Meysam Dalxaniyə (10:1) tam üstünlüklə qalib gəlib. Həmyerlimiz finalda moldovalı dünya və Avropa çempionu Viktor Çobanunu (10:0) elə ilk hissədə aldığı xallarla vaxtından əvvəl məğlub edərək fəxri kürsünün ən yüksək pilləsinə qalxıb.
Beka Kandelaki (130 kq) təsnifat mərhələsində Türkiyənin məşhur güləşçisi Rza Kayaalpa 0:3 hesabıyla uduzub.
![](https://korner.az/wp-content/uploads/2018/06/korner-logo.png)