Avropa Liqasının pley-off mərhələsində “Qarabağ”a rəqib olmuş Frankfurt “Ayntraxt”ının yapon futbolçusu İnuiyə (səfər oyununda təmsilçimizin qapısına qol da vurmuşdu) idman tarixinin bəlkə də ən qəribə cəzası verilib.
Korner.az-ın məlumatına görə, ölkəsindən Almaniyaya gələrkən gömrük keçid məntəqəsində vergi bəyannaməsində 3 min dollarlıq saatını qeyd etməyən İnui gömrükçülər saatı aşkarlayınca ingiliscə “Fuck, fuck, fuck”, – deyə qışqırmağa başlayıb.
İfadəsi alınmaq üçün polis tərəfindən saxlanılan futbolçu polis otağında “yel çıxarıb”. Gömrük məmurları saatı bəyannamədə göstərmədiyinə görə vergi cəzası kəsməklə yanaşı yelçıxarmaya görə onu prokurorluğa şikayət ediblər. Gömrük məmurları şikayətlərində bildiriblər ki, İnui qəsdən “yel çıxarıb”. Gömrükçülər Uşaqları Qoruma Dərnəyinə 250 avro məbləğində pul hədiyyə edəcəyi halda şikayətlərini geri götürəcəklərini deyiblər.
