Noyabrın 26-dan “Ayntraxt”ın düşərgəsində baxışda olan “Neftçi”nin qapıçısı Emil Balayev öncə əvəzedici heyətlə, ardından isə əsas komanda ilə məşqlərdə iştirak edib.
Korner.az-ın məlumatına görə, “Ayntraxt”ının baş məşqçisi Tomas Şaaf Emil Balayevin yaxşı təsir bağışladığını deyib.
“Emil Balayev yaxşı təsir bağışlayır. Səviyyəsi məni qane edir. Lakin qısa müddətdə onun haqda dəqiq fikir söyləmək olmaz. Bu həftə onun buradakı müddəti başa çatacaq. Bundan sonra Balayevi yenidən sınaqdan keçirməyə çalışacağıq”.
Onun köməkçisi Mixael Kraft isə artıq Balayevi transfer etmək istədiklərini deyib: “Emil böyük istedaddı. Biz tezliklə bu keçidin həllinə çalışacağıq”.
