“Oyuna çox zəif başladıq. Görünür, rəqibin adı futbolçularımıza psixoloji baxımdan təsir göstərmişdi. Birinci hissədə daha çox müdafiə olunaraq oyunumuzu əks-hücumlar üzərində qururduq. Fasilədən sonra daha cəsarətli oynayaraq təşəbbüsə yiyələndik”.
Korner.az-ın AFFA-nın saytına istinadən yaydığı məlumata görə, bu sözləri Valentin Qranatkinin xatirəsinə həsr olunmuş beynəlxalq turnirdə Çexiyaya qarşı keçirilən oyundan (1:1) sonra 19 yaşadək futbolçulardan ibarət Azərbaycan yığmasının baş məşqçisi Arıf Əsədov deyib.
Çalışdırıcı daha sonra hakimlikdən gileylənib:
“Əvəzetmələrin də sayəsində oyunumuzu gücləndirdik. Bugünkü qarşılaşmada hakimliyin səviyyəsinin çox aşağı olduğunu qeyd etməliyəm. Futbolçumuza qırmızı vərəqə əsassız yerə göstərildi. Bununla belə, azlıqda qaldıqdan sonra oyunumuzun sürəti aşağı düşmədi, əzmkarlıqla mübarizə apardıq” – deyə o vurğulayıb.
