Topaz Premyer Liqasının 12-ci turu “Neftçi” üçün uğursuz alındı. Komanda səfərdə “Simurq”a 0-1 hesabı ilə məğlub oldu.
Korner.az-ın məlumatına əsasən “Neftçi”nin baş məşqçisi Arif Əsədov oyundan sonra fikrilərini bildirib:
“Hiss olunur ki, fasilədən sonra komandada müəyyən problemlər var. Bu oyunu tez bir zamanda unudub növbəti görüşlərə hazırlaşmalıyıq. Bu oyuna qədər ilk pillədə idik. Bilirdik ki, “Simurq” bizə qarşı ikiqat güclə oynacaq. Bizim qapımıza ardıcıl oyunlarda penaltilər verilir. Bu gün iki penalti verildi. Az qalmışdı ki, hakim özü də penalti vursun. Əlavə edim ki, “Simurq”un qapanacağını bilirdik. Qol buraxdıqdan sonra futbolçularımda gərginlik yarandı. Bu da nəticəyə təsir etdi”.
