"Türkiyədən iki təklif almışdım. Ancaq Premyer Liqamızın başlanmasına 1 həftə qalıb və "Sumqayıt"ı çətin vəziyyətdə qoymamaq üçün təklifləri qəbul etmədim".
Bu sözləri Korner.az-a açıqlamasında Sumqayıtın eyniadlı klubunun qapıçısı Anar Nəzirov deyib.
Nəzirov bildirib ki, Türkiyə klbularından təklif bugünlərdə gəlib və o, "Sumqayıt" rəhbərliyi ilə öncədən razılığa gəldiyindən, geri addım atmayıb: "Türkiyə klublarının müqavilə şərtləri daha yaxşıydı. Ancaq Məni bu dəqiqə puldan çox, oynamaq düşündürür. İnşallah, "Sumqayıt"ın əsas oyunçularından olacam. Bu klubla 1 illik müqavilə bağladım. Bir il də oynayım, təcrübəm artsın, inşallah, ondan sonra yeni təkliflər üzərində düşünəcəm".
Qeyd edək ki, Anarı heyətində görmək istəyən Türkiyə klublarından biri Bank Asiya təmsilçisi "Fethiyespor" olub.
