Aftandil Hacıyev cəzalandı
05.11.2021 , 18:50
AFFA İntizam Komitəsinin iclası keçirilib. Toplantıda axağıdakı qərarlar qəbul edilib.
Korner.az xəbər verir ki, “Səbail”in futbolçusu Nikolas Raysel 4 oyunluq cəzalandırılıb. Buna fransalı hücumçunun səfərdə “Sumqayıt”a 0:2 hesabı ilə uduzduqları Premyer Liqanın IX tur matçında aqressiv hərəkətə görə birbaşa qırmızı vərəqə alaraq meydançadan kənarlaşdırılması səbəb olub.
Komandanın baş məşqçisi Aftandil Hacıyev isə həmin görüşdə hakimləri təhqir etdiyi üçün birbaşa qırmızı vərəqə aldığına görə 5 oyunluq diskvalifikasiya edilib. Klub hər iki şəxsə görə ümumilikdə 7 200 manat cərimələnib.
Bundan başqa, oyun ərzində hesab tablosunun işləkliyi təmin edilmədiyi üçün meydan sahibi klub 800 manat ziyana düşüb.