.jpg)
Bu gün Beynəlxalq Mətbuat Mərkəzində Bakı Futbol Federasiyasının vitse-prezidenti, tanınmış yazıçı-jurnalist Məzahir Süleymanzadənin 60 illik yubileyi ilə bağlı tədbir keçirilib.
Korner.az-ın məlumtına görə, Mətbuat Şurasının sədri Əflatun Amaşov tədbirdə çıxış edərək M.Süleymanzadənin yaradıcılığı ilə ətraflı məlumat verib, onun həm ictimai xadim, həm də mətbuat nümayəndəsi kimi fəaliyyətini yüksək qiymətləndirib.
Regional Futbol Federasiyaları İctimai Birliyinin prezidenti İskəndər Cavadov yubilyarın futbol sahəsindəki fəaliyyəti barədə danışıb, həyata keçirdiyi uğurlu layihələri qeyd edib.
AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu çıxış edərək AFFA rəhbərliyi adından Məzahir Süleymanzadəyə təbriklərini çatdırıb və assosiasiyanın hədiyyələrini – üzərində "M.Süleymanzadə 60" yazılmış Azərbaycan milli komandasının futbolkasını və diplomu – yubilyara təqdim edib.
Qeyd edək ki, Məzahir Süleymanzadə vaxtilə AFFA-nın İcraiyyə Komitəsinin üzvü və assosiasiyanın departament rəisi kimi fəaliyyət göstərib.
