AFFA Klublar Komitəsinə yeni sədr seçildi
31.08.2022 , 17:08
Bu gün Klublar Komitəsinin növbəti iclası keçirilib.
Korner.az xəbər verir ki, iclasda AFFA-nın baş katibi Sərxan Hacıyev, PFL-in prezidenti Elxan Səmədov və vitse-prezidenti Aslan Şahgəldiyev, Premyer Liqada mübarizə aparan klubların nümayəndələri iştirak ediblər.
Sərxan Hacıyev klublara göstəriləcək maliyyə yardımı barədə məlumat verib. AFFA-nın Yoxlama və Təftiş Komitəsinin üzvləri ilə tanışlıq xarakterli müzakirələr aparılıb.
Klublar Komitəsinin Əsasnaməsinə uyğun olaraq, komitənin sədri vəzifəsinə seçki keçirilib. “Qəbələ” klubunun prezidenti Fariz Nəcəfov səs çoxluğu ilə növbəti 1 il müddətinə Klublar Komitəsinin sədri seçilib.
Xatırladaq ki, komitənin buna qədər son sədri “Sumqayıt”ın prezidenti Riad Rəfiyev olub.
