“Simurq”dan futbolçuların etiraz aksiyası ilə bağlı açıqlamaLiqasının 32-ci turunda dünən keçiriləm matçın (2:3) start fitindən sonra bir dəqiqəlik meydanda oturaraq, son hadisələrə etirazını bildiriblər.
Korner.az-ın məlumatına görə, klubun rəsmi saytı futbolçuların aksiyası ilə bağlı məlumat yayıb.
Bildirilib ki, oyundan bir gün öncə klub rəhbərliyi iclas keçirərək, son hadisələr haqqında futbolçuları məlumatlandırıb və vurğulanıb ki, son üç ay üçün olan əmək haqlarını vermək üçün komandanın maliyyə durumu yetərli deyil: “Əgər yetərli maliyyə qaynağı əldə olunarsa, müqavilənin son gününə qədər olan bütün borclar ödəniləcək. Mövcud vəziyyətdə sona qədər heyətdə qalmaq istəməyən futbolçular komandanı tərk etməkdə sərbəstdirlər. Buna görə klub tərəfindən heç bir etiraz olmayacaq. Kim qalacaqsa, onlarla mövsümün sonuna qədər davam edəcəyik. Hər bir kəsə son üç ayda olan problemlərə baxmayaraq, işinə peşəkarlıqla yanaşdıqlarına görə təşəkkür edilib”.
O da qeyd olunub ki, qarşılaşmada baş verən hadisə Zaqatalada futbolun yaşaması üçün göstərilən etiraz idi: “Klub olaraq, bununla Azərbaycan futboluna cavabdeh olan şəxslərə bildirmək istədik ki, regionda insanların sevdiyi idman növünün yaşaması üçün üzərlərinə düşən öhdəlikləri yerinə yetirməyə çalışsınlar. Etiraz aksiyası oyunçularımızın şəxsi fikirləri idi və qarşılaşmadan öncə klub rəhbərliyinə belə bir hərəkət edəcəklərini bildirmişdilər. Biz isə onların bu fikirlərini dəstəkləmişik. “Simurq” Peşəkar İdman Klubu olaraq futbolçularımıza, əməkdaşlarımıza və məşqçi heyətinə hər şeyə görə çox təşəkkür edirik. Azarkeşlərimizə hər an yanımızda olduqlarına görə minnətdarıq. İdman mediasına da minnətdarıq ki, Zaqatalada futbolun yaşaması üçün lazım olan dəstəyi göstərirlər”.
Qeyd edək ki, hazırda klub rəhbərliyi Zaqatala şəhərini təmsil edən “Simurq” Peşəkar İdman Klubunun yaşaması üçün lazımi şəxslərlə danışıqları davam etdirir. Klub prezidenti Anar Bəkirov artıq AFFA-nın baş katibi Elxan Məmmədovla görüşüb.
Məmmədov bildirib ki, futbol qurumu olaraq “Simurq”un yaşaması üçün lazımi dəstək göstəriləcək və növbəti mövsümdə Zaqatala təmsilçisi maliyyə cəhətdən heç bir çətinlik çəkməyəcək.
