“Rid” – “Zalsburq” matçı öncəsi mətbuat toplantısı keçirən Adolf Hütter “Qarabağ”a məğlub olmalarından danışıb.
Korner.az xəbər verir ki, “Zalsburq”un idman direktoru Ralf Raqnik və komandanın çalışdırıcısı Hütter ilk oyunda məğlub olmalarına rəğmən komandalarına inandıqlarını qeyd ediblər: “Səfərdə qol vurmağımız bizə böyük üstünlük yaradacaq. Biz öz evimizdə mütləq onları məğlub edib, turu keçməliyik”.
Bundan əlavə Kevin Kempl da maraqlı açıqlamalar verib: “İlk oyunda belə tez qol buraxacağımızı düşünməmişdim. Rəqibin 30 minlik fantastik azarkeşi önündə oynamaq elə də asan məsələ deyildi. Bütün bunlara baxmayaraq biz ÇL-də qrup mərhələsinə qalmaq istəyirik”.
