Topaz Premyer Liqasının II turunda keçirilən “Kəpəz” – “Zirə” oyunu 1-1 hesabı ilə başa çatdı.
Korner.az-ın məlumatına görə, oyunda hesabı meydan sahibi açsa da, əlavə olunmuş dəqiqələrdə “Zirə” bərabərlik qolunu vura bildi.
“Zirə”nin baş məşqçisi Adil Şükürov oyundan sonra bunları deyib:
“Məni doğum günüm münasibəti ilə xüsusi təbrik edən “Kəpəz” rəhbərliyinə təşəkkür edirəm. “Kəpəz” mənim üçün doğma komandadır. Gəncə şəhərinə böyük futbolun qayıtması münasibəti ilə azarkeşləri təbrik edirəm.
Oyuna gəldikdə, biz mübarizə apardıq. Məqsədimiz qələbə qazanmaq idi. Amma 1 xal qazana bildik. Düşünürəm ki, hesab oyuna görə oldu”