“Qarabağ”ın prezidenti Abdulbari Gözəl klubun bazasını ziyarət edib.
Korner.az-ın klubun saytına istinadən məlumatına görə, klubun idarə heyətinin üzvü Fevzihan Arasla birlikdə bazaya təşrif buyuran Gözəl baş məşqçi Qurban Qurbanov və kapitan Rəşad Sadıqovla görüşüb.
O, Qurbanovu Avroliqadakı uğurlu çıxış münasibəti ilə bir daha təbrik edib. “Qarabağ”ın “İnter”lə oyunda haqsızlığa uğradığını bildirən klub prezidenti mənəvi cəhətdən qalib olduqlarını deyib.
Ardınca Abdulbari Gözəl hazırda inşası davam edən stadiona baş çəkib. Tikinti işlərinin gedişatı ilə yaxından tanış olan klub prezidenti işlərin sürətləndirilməsi yönündə təlimatlarını verib.
