Ramil Şeydayev mövsümü dublla yekunlaşdırdı

Slovakiya Fortuna Liqasında 2016/17 mövsümünə yekun vurulub.

Korner.az-ın məlumatına görə, sonuncu – 33-cü turda millimizin üzvü Ramil Şeydayevin çıxış etdiyi “Jilina” “Podbrezova”nı qəbul edib və  4:0 hesablı qələbə qazanıb.

Matça ehtiyat oyunçular skamyasında başlayan Ramil 61-ci dəqiqədə meydana daxil olub. O, 82 və 89-cu dəqiqələrdə qol vurub.

Qeyd edək ki, “Jilina” Slovakiya çempionluğunu bir neçə tur əvvəlcədən təmin edib. Komanda liqanı 73 xalla başa vurub.