Neftçi”nin baş məşqçisi Vəli Qasımovun ürək problemləri üzündən xəstəxanaya yerləşdirildiyi haqda xəbər vermişdik. Yalnız onu harda yatdığı barədə məlumat yox idi.
Korner.az-ın məlumatına görə, Vəli Qasımov Atatürk prospektindəki “HB Güven” Klinikasına yerləşdirilib.
Məlumatı dəqiqəlşdirmək üçün tibb ocağı ilə əlaqə saxladıq. Operator xanım bizə telefon nömrəsi verərək həkimlə danışmağaı məsləhət gördü. Biz də zəng vurduq, danışdıq. O da klubun verdiyi məlumatı təsdiqlədi, Vəli Qasımovun hipertoniya üzündən gecə xəstəxanaya yerləşdirildiyini, hazırkı durumunun sabit olduğunu dedi.
Həkimin özünü təqdim etməsini istəyəndə “Zöhrablı Şaiq – “Neftçi” PFK-nın həkimi deyə cavab verdi. “Bəs Qasımovun öz həkimi kimdir” sualına isə “adı yadımda qalmadı” eşitdik.
Maraqlıdır. Klub həkimin öz baş məşqçisini müalicə edən həkimin adını yadda saxlamır.
Yenidən operator xanımla əlaqə saxladıq. O bizə onlara bu xəstə, yəni Qasımov Vəli Aydın oğlu ilə bağlı istənilən suala görə məhz klub həkiminə yönəltmək tapşırığı aldıqlarını dedi.
Bu da çox maraqlıdır: niyə? Niyə belə tapşırıq gəlsin ki?
Onu da öyrəndik ki, Vəli Qasımovun hazırkı, müalicə edən həkimi doktor Qəhrəman Seyfidarovdur. O, HB Güven” Klinikasının Anestezioloq-Renimatoloq və Ağrı uzmanıdır. Həkimin əlaqə telefonunu almaq, onunla danışmaq cəhdlərimiz boşa çıxdı.
Məsələni diqqətdə saxlayırıq…
Mənbə: Rekord.az
