Rusiyanın “Krasnodar” klubunun braziliyalı futbolçusu Vanderson bu ölkənin milli komandasında oynamaq istəyir.
Korner.az-ın məlumatına görə, hücumçu hətta Rusiya yığmasının forması ilə qarşıdakı dünya çempionatının oyunlarına çıxmaq istədiyini deyib.
“Əlbəttə, bu, arzudur, ancaq reallaşmasa belə, mütləq bilet alıb oyunları stadionlarda izləyəcəyəm. Rusiya vətəndaşlığını almaqda maraqlıyam. Bu ölkə məni çox mehriban qarşıladı. Mənə burada yaşamaq çox xoşdur. Rusiya pasportu almaq mümkün olsa, etiraz etmərəm. Ancaq bunun üçün hələ bir müddət burada yaşamalıyam”, – deyə Vanderson bildirib.
Braziliyalı hücumçu 2012-ci ildən “Krasnodar”ın şərəfini qoruyur. Rusiya qanunvericiliyinə görə, bu ölkənin vətəndaşlığına keçmək üçün 5 il burada yaşamaq şərtdir.
Qeyd edək ki, Vanderson komandasının Avropa Liqasının cari mövsümünün qrup mərhələsi çərivəsində “Qəbələ”yə qarşı keçirdiyi hər iki oyunda qol vurub.
