Türkiyədə təlim-məşq toplanışında olan “İnter” bu gün 3-cü yoxlama oyununu keçirib.
Korner.az-ın məlumatına görə, Antalyada hazırlıq keçən paytaxt təmsilçisi Slovakiyanın “Slovan” klubu ilə qarşılaşıb.
Görüş Bakı təmsilçisi üçün uğursuz alınıb. 1919-cu ildə yaradılan, 12 dəfə Slovakiya, 6 dəfə Çexoslovakiya çempionu olan rəqib meydandan qələbə ilə ayrılıb. 1968/69 mövsümündə Kuboklar kubokunun sahibi adını qazanan “Slovan” “İnter”in qapısından 2 cavabsız qol keçirib.
Yoxlama oyunu
19 yanvar
“İnter” (Bakı, Azərbaycan) – “Slovan” (Bratislava, Slovakiya) – 0:2
Türkiyə. Antalya
