Beynəlxalq Futbol Tarixi və Statistikaları Federasiyası (İFFHS) klubların növbəti reytinqini açıqlayıb.
Korner.az xəbər verir ki, son 1 ilin cədvəlində planetin 416 komandası yer alıb. Azərbaycanın siyahıda yenə bir təmsilçisi var: “Qarabağ”.
Son mövsümdə mükafatsız qalan ağdamlılar son 1 ayda 100 pillə geriləyiblər. Ötən ay açıqlanan reytinqə 72,5 xalla 299-cu pillədə olan komanda son siyahıda 60,5 xalla 399-cu yerə şərikdir.
Klublarımızın avrokuboklardakı rəqibləri də reytinqdə yer alıb. Çempionlar Liqasında “Neftçi” ilə qarşılaşacaq Gürcüstan “Zestafoni”si 97 xalla 152-ci pillədədir. “Xəzər Lənkəran”ın Avropa Liqasındakı rəqibi Estoniya “Nomme Kalyu”su 62 xalla planetin 383-cü komandasıdır.
“Bakı” və “İnter”in Avropa Liqasındakı rəqibləri isə siyahıya düşməyib. Belə ki, Sloveniya “Mura”sı və Estoniya “Trans”ı dünyanın 416 ən yaxşı klubu sırasında deyil.
Reytinqə 356 xalla İspaniyanın “Barselona” klubu başçılıq edir. Çili təmsilçisi “Universidad” 335 xalla–ci, Madrid “Real”ı isə 295 xalla 3-cüdür.
