Premyer Liqanın XXIV turunda mövsümün rekordu təkrarlanıb.
Korner.az-ın məlumatına görə, turun 5 oyununda 5 futbolçu qırmızı vərəqə alıb.
Ən çox qırmızı vərəqə “Rəvan” – AZAL qarşılaşmasında göstərilib. Paytaxt klublarının oyununda 3 futbolçu meydandan qovulub. Meydan sahbilərindən Cəmşid Məhərrəmov, qonaqlardan isə Aylton və Viktor İbekoyi hakimin qəzəbinə tuş gəlib. Digər iki “qırmızı”ya gəlincə, “Neftçi” – “Qarabağ” matçında meydan sahiblərindən Araz Abdullayev, “Bakı” – “Sumqayıt” oyununda qonaqlardan Nodar Məmmədov meydandan qovulub.
5 “qırmızı” mövsümün rekordunun təkrarlanması deməkdi. Belə ki, XX turda da eyni sayda futbolçu meydandan qovulmuşdu.
Ümumilikdə 24 turun 120 oyununda 43 futbolçu meydandan qovulub. Bu hər oyuna orta hesabla 0.35, hər tura 1.79 qırmızı vərəqə deməkdi.
