Koke: “Biz bu uğuru qazanmaq üçün çox çalışmışdıq”

 "Çox xoşbəxtəm. Bu gün mənim üçün çox önəmli gündü. Qarşımıza qoyduğumuz məqsədə çatdıq və mövsümü titulla başa vurduq".
 
Bu sözləri Korner.az-a açıqlamasında "Neftçi" ilə oyundan sonra "Bakı"nın futbolçusu Koke deyib.

O, bundan sonra avroliqaya diqqət ayıracaqlarını və çalışdıqları qədər irəli getmək istədiklərini bildirib:

"Biz bu uğuru qazanmaq üçün çox çalışmışdıq. Bu gündə öz oyunumuzla qələbəyə layiq olduğumuzu sübuta yetirdik. Yaxşı hazırlaşıb bacardıqca irəli getməyə çalışacağıq. İnanıram ki, Avroliqada da uğur qazana bilərik".