"Bakı" futbol klubu Portuqaliyanın "Portu" komandası ilə əməkdaşlığa hazırlaşır.
Korner.az-ın məlumatına görə, paytaxt təmsilçisinin vitse-prezidenti Zeynal Məmmədov bu məqsədlə Portuqaliyaya səfər edəcək. Razılıq əldə olunarsa, hər iki komanda arasında müqavilə imzalanacaq. Müqavilənin əsasında "Bakı" futbol klubunun gənc oyunçuları Portuda futbolun sirlərini öyrənəcəklər.
"Portu" klubu Çempionlar Liqası, Avropa Liqasının, eləcə də Superkubokunun qalibi olub.
"Zolaqlılar" öncə İspaniyanın "Atletiko" (Madrid) klubu ilə əməkdaşlığa başlayıb. Müqavilənin şərtlərinə əsasən, Madrid komandası iki il ərzində, həm İspaniya çempionatında, həm də Avrokuboklarda "Land of fire Azerbaijan" yəni, "Odlar yurdu Azərbaycan" yazısı ilə meydana çıxacaqlar. “Atletiko”nun seleksiyaçı məşqçiləri iki gündür Bakıdadır. Onlar "Bakı" klubu ilə yanaşı, "Turan", "Qarabağ" və "Kəpəz"dən 1999-2000-ci il təvəllüdlü futbolçuları seçərək İspaniyaya aparacaqlar. Bütün xərcləri isə "Bakı" klubu öz üzərinə götürüb.
anspress.com
