Asim Xudiyevə UEFA-dan təyinat
17.07.2021 , 18:36
Azərbaycanlı beynəlxalq dərəcəli hakim-inspektor Asim Xudiyev UEFA-dan yeni təyinat alıb.
Korner.az xəbər verir ki, o, Çempionlar Liqasının II təsnifat mərhələsinin oyununda iş başında olacaq.
Həmyerlimiz Qazaxıstanın “Kayrat” və Serbiyanın “Srvena Zvezda” klubları arasındakı ilk oyuna hakim-inspektor təyin olunub.
Bu, Xudiyevin son 1 həftədə “Kayrat” klubunun matçına ikinci təyinatıdı. O, iyulun 14-də Almatı təmsilçisinin İsrailin “Makkabi” (Hayfa) klubuna qarşı 1-ci təsnifat mərhələsinin cavab oyununda da eyni funksiyanı yerinə yetirib.
