Azərbaycan Premyer Liqasında ilk "altılıq" şanslarını saxlayan "Rəvan” klubu önümüzdəki günlərdə çempionatın yerdə qalan bölümünə daha yaxşı hazırlaşmaq məqsədilə bir sıra yoxlama oyunları keçirəcək.
Korner.az–ın klubun rəsmi saytına istinadən verdiyi məlumata görə, komanda fevralın 9-da "Turan”la keçiriləcək oyuna qədər 4 görüşdə qüvvəsini sınayacaq.
Belə ki, yanvarın 19-da əvəzedicilərdən ibarət komandayla qarşılaşacaq "Rəvan” ayın 24-də I divizion təmsilçisi "Qaradağ Lökbatan”la üz-üzə gələcək. Yanvarın 26-da isə komanda Premyer Liqa təmsilçisi "Sumqayıt”la görüşəcək. Nəhayət, "Rəvan" fevralın 1-də son yoxlama oyununu keçirəcək. Lakin son rəqibin adına hələlik aydınlıq gəlməyib.
