Artıq bir neçə gündən sonra "İnter" Antalyada təlim-məşq toplanışına başlayacaq. Komadanın hazırki durumu və oyunları haqda "bankirlər"in yarımmüdafiəçisi Asif Məmmədov fikirlərini bildirib. Korner.az futbolçunun müsahibəsini təqdim edir.
– İlk öncə çempionatın birinci yarısı haqda fikirlərini bildirərdin?
– Mövsüm başlayandan qarşımıza bir məqsəd qoymuşuq ki, uğurla çıxış edib Avropa Liqasına vəsiqə qazanaq. Mövsümün ilk yarısı bizim üçün uğurlu keçdi və Allahın köməkliyi ilə fasilədən sonra əzmkarlıqla mübarizə aparıb çempion olarıq.
– Çempionatdakı fasilə bitəndən sonra sizi ağır oyunlar gözləyir.
– Bəli fevral ayından etibarən ard-arda ağır oyunlarımız var. Bu oyunlara ciddi hazırlaşırıq. Fasilədən sonra ilk oyunumuz "Xəzər Lənkəran"a qarşı olacaq. Türkiyədə yaxşı təlim-məşq keçəcəyimizə inanıram. Üstəlik yeni oyunçularda bizə qoşulacaq və daha da güclü olacağıq.
– Artıq transfer dönəmi başlayır ,hansısa klubdan sənə təklif var?
-Bəli, mənə bir çox klublardan təklif gəldi amma mən hamısından düşünmədən imtina elədim.
– Bilmək olar hansı klublar olub?
– Yox hər halda alınmayan keçid haqda danışmaq və klub adı çəkmək istəmirəm. Amma onu deyə bilərəm ki, "İnter" kimi güclü klublar olub.
– Bəs rədd etməyinin səbəbi nədir?
– Çünki mən "İnter"də çox xoşbəxtəm. Kollektivimiz və hökm sürən peşəkarlıq və mehribanlıq məni tam qane edir. Üstəlik güclü məşqçimiz və qarşımızda duran hədəf çempion olmaqdır. "İnter"dən çempion olmadan getmək fikrim yoxdur.
"fcinter-az.com"
