"Xəzər Lənkəran"ın qış trasfer "pəncərəsin"də yollarını ayıracağı bildirilən Vanderson Skarduelli və Radomir Todorov komandada qalacaq.
Bu barədə Korner.az-a açıqlamasında "Xəzər Lənkəran"ın mətbuat xidmətinin rəhbəri Yalçın Əliyev deyib.
Klub rəsmisi Branimir Subşiç və iki müdafiəçinin göndərilməsi xəbərinə belə münasibət bildirib:
"Skarduelli və Todorovun göndərilməsi xəbəri sırf yalandı. Subaşiçə gəldikdə isə bu barədə qərarı baş məşqçimiz verəcək. Mən bu haqda nəsə deyə bilmərəm. Ümumiyyətlə, bütün futbolçular Antalyaya çağırılıb. Bundan sonra kimin komanda da qalıb, kimin gedəcəyinə baş məşqçimiz qərar verəcək. Hələ heç nə məlum deyil".
