“Xəzər Lənkəran” rəhbərliyindən azarkeşlərlə növbəti görüş

Dünən 27 dekabr tarixində "Xəzər Lənkəran" klubunun rəhbərliyi ilə azarkeşlər arasında görüş keçirilib.

Korner.az-ın məlumatına görə, klubun Bakı ofisində baş tutan görüşdə vitse-prezident Tuygun Nadirov azarkeşlərin suallarını cavablandırıb, onların təklif və iradlarını dinləyib.

Görüşdə azarkeşləri maraqlandıran bir sıra məqamlar müzakirə olunub ki, bunlardan ən çox qabardılanlar Lənkəran stadionunun ot ortüyünün vəziyyətinin yaxşılaşdırılması, yeni baş məşqçi Karles Martorellə transfer məsələlərində sərbəstlik verilməsi, yeni səviyyəli tranferlər edilməsi və onlarla uzunmüddətli müqavilələrin imzalanması, futbol akademiyasının yaradılması, stadiona girişdə yaranan problemlərin həll olunması olub. Sonuncudan fərqli olaraq kifayət qədər səmimi fonda keçən görüşdə öz növbəsində azarkeşlər 9 oktyabrda baş tutan görüşdən sonra klub rəhbərliyinin azarkeşlərin fikrini nəzərə aldığına və buna uyğun tədbirlər gördüyünə görə rəhbərliyə təşəkkür ediblər.