Rus futbolçu Andrey Arşavin “topçular”la yollarını ayırır.
Korner.az-ın məlumatına görə, cari mövsümdə "Olimpiakos"la oyun istisna olmaqla, əsas heyətə düşə bilməyən təcrübəli oyunçuyla həm əvvəlki klubu "Zenit", həm də “Ridinq”lə "Fulhem" maraqlanır.
"Arsenal" onu məqbul məbləğ qarşılığında köhnə klubuna göndərməyə də hazırdı. Ancaq futbolçunun İngiltərədə qalacağı təxmin edilir.
Ulduz oyunçu "Ridinq"ə transfer olacağı təqdirdə "Zenit"dən komanda yoldaşı Pavel Poqrebnyakla yenidən birlikdə oynayacaq. Bu cütlük “Zenit”in UEFA Kubokunu qazanmasında əhəmiyyətli rol oynamışdı.