Noyabrın 4-də "Sumqayıt"la keçirilən oyundan sonra "İnter" komandasının futbolçularına 3 günlük istirahət verilib. Korner.az klubun rəsmi saytına istinadən xəbər verir ki, "bankirlər" ayın 8-də "Şəfa" stadionunda toplaşaraq məşqlərə başlayacaq.
Bundan başqa, "İnter" Azərbaycan milli komandasının 2014-cü ildə Braziliyada təşkil olunacaq dünya çempionatının seçmə mərhələsi çərçivəsində noyabrın 14-də, Belfast şəhərində Şimali İrlandiya yığmasıyla keçirəcəyi oyunla əlaqədar yaranmış fasilədən istifadə edərək, yoldaşlıq matçı da keçirməyi planlaşdırır.
Noyabrın 12-də komanda AZAL ilə qarşılaşmağı düşünür. Oyun "Şəfa" stadionunda baş tutmalıdır.
