“Xəzər Lənkəran”ın məşqçisi: “Bütün gücümüzdən istifadə etdik”

“İlk növbədə Yuni Hüseynova və komanda rəhbərliyinə minnətdarlığımı bildirirəm. Komandanın vəziyyəti gərgin olsa da, mütləq qələbə qazanmalı idik. Buna nail olduq".

Korner.az-ın məlumatına görə, bu sözləri "Xəzər Lənkəran"ın məşqçisi Erik Roketa “Rəvan” üzərindəki böyükhesablı qələbəni  (4:0) şərh edərkən deyib.

"Ağ-yaşıllar"ın məşqçisi daha sonra bunları deyib:

"Həftə ərzində keçdiyimiz hazırlıqlar öz nəticəsini göstərdi, bütün gücümüzdən istifadə etdik, hücum qurarkən cinahlardan daha çox yararlandıq. Bizim də oyunda səhvlərimiz oldu. İkinci qoldan sonra komanda daha soyuqqanlı oynadı. Futbolçulara təşəkkürümü bildirirəm”.