“Meydança bərbad vəziyyətdə idi. Bu cür meydanda mübarizə aparmaq çox çətindir".
Korner.az-ın məlumatına görə, bu sözləri Topaz Premyer Liqasının XII turu çərçivəsində keçirilmiş "Sumqayıt" – "İnter" oyunundan sonra qonaq komandanın baş məşqçisi Kaxaber Sxadadze deyib.
Gürcü çalışdırıcı futbolçularını heç-heçəyə görə məhz bu səbəbdən qınamadığını söyləyib: "Futbolçularımı qınamıram, bu cür meydanda heç nə etmək olmur”. “Sumqayıt” komandasına və baş məşqçisinə uğurlar arzulayıram".
“Sumqayıt”ın çalışdırıcısı Bernhard Raab da həmkarıyla razı olduğunu deyib: “Rəqib komandanın baş məşqçisi ilə razıyam, bu cür meydanda yaxşı oyun göstərmək olmur. “İnter” komandası ilə oyunumuz həmişə çətin alınır. 1 xal qazandığımız üşün şadam. Fikrimcə, “İnter” də 1 xalla razılaşmalıdır”.