Topaz Premyer Liqasının XII turunun "Sumqayıt" -" İnter" oyunu hər iki komanda üçün sayca 4-cü olacaq. Korner.az-ın saytının məlumatına görə, komandalar arasında arxada qalan hər 3 oyun çempionatda keçirilib. Maraqlıdır ki, “İnter” hər 3 matçda rəqibinə qalib gəlib. Özü də sumqayıtlılar bu 5 qolun qarşılığında 1 dəfə də olsun rəqib qapısına yol tapa bilməyib.
Komandalar ilk dəfə ötən ilin sentyabrın 14-də üz-üzə gəlib. Mehdi Hüseynzadə adına Sumqayıt Şəhər stadionda baş tutmuş həmin matç “İnter”in 2:0 hesablıq qələbəsi ilə nəticələnib. Bakılılar oyunun son 19 dəqiqəsində vurduqları qollarla qələbə qazanıb ki, komandalar arasında ilk qolun müəllifi hazırda da “bankirlər”in heyətində olan Arif Daşdəmirov olub.
“İnter”lə “Sumqayıt” arasında keçirilən oyunlar
2011/12 mövsümü
“Sumqayıt” – “İnter” – 0:2
Qollar: Arif Daşdəmirov, 71, Samir Zərgərov, 90+2
“İnter”-“Sumqayıt” – 2:0
Qollar: Baçana Sxadadze, 34, Vladimir Levin, 65
2012/13 mövsümü
“İnter” – “Sumqayıt” – 1:0
Qol: Arafat, 4
Qeyd edək ki, “Sumqayıt” – “İnter” oyunu sabah saat 14:00-da Mehdi Hüseynzadə adına şəhər stadionunda keçiriləcək.
Mənbə: inter.az
