GSTV-də canlı yayımlanan "Ülker Fan Zone"-da Çocuk Saati" proqramına qonaq olan "Qalatasaray"ın braziliyalı futbolçusu Felipe Melo uşaqlara bol-bol avtoqraf verib.
Korner.az-ın məlumatına görə, vurduğu qolardan sonra "pitbull" təqlidi və rəqsləri ilə də özünü azarkeşlərə sevdirməyi bacaran havbek uşaqların suallarını cavablandırarkən Türkiyədə başqa klubda oynamaq perspektivinə də toxunub.
Çox yaxşı "Qalatasaray"lı olduğunu dilə gətirən Melo deyib: "Mən "Qalatasaray"lıyam, "Fənərbağça"da heç vaxt oynamaram. Zatən ötən mövsüm yaşadıqlarımızdan sonra bu, mümkün də olmaz. Buradakı gözəl xatirələrim, dostlarım və oynadığım gözəl futboldan sonra "Fənər"də oynamağımdan söhbət belə, gedə bilməz".
