50-ci səfər oyunu
13.12.2021 , 13:55
“Kəpəz” Azərbaycan kubokunda 50-ci səfər oyununu keçirib.
Korner.az PFL-in saytına istinadən xəbər verir ki, Gəncə təmsilçisi 1/8 finalda “Sabah”ın qonağı olub. Bakı klubu qərblilərin yubileyində 3:0 hesabı ilə qalib gəlib.
“Kəpəz” 50 səfər matçında 24 qələbə qazanıb, 9 heç-heçə edib və 17 dəfə uduzub. 70 qol vuran gəncəlilər 59 top buraxıblar.
Qeyd edək ki, yalnız “Neftçi” (74) və “Qarabağ” (67) kubokda daha çox səfər matçı keçirib.
