“İrlandiya yığması bu il qarşılaşdığımız rəqiblər arasında ən güclüsü idi. Oyunun əvvəlində penaltidən qol buraxmağımıza baxmayaraq, 70 dəqiqə başabaş mübarizə apardıq”.
Korner.az-ın AFFA-nın rəsmi saytına istinadən verdiyi məlumata görə, bu sözləri 17 yaşadək futbolçulardan ibarət millimizin baş məşqçisi Təbriz Həsənov yoldaşlıq görüşündə İrlandiyaya 0:3 hesablı məğlubiyyətdən sonra deyib.
Çalışdırıcı daha sonra bunları deyib: "Çox sürətli oyun oldu. Əldə etdiyimiz imkanlardan istifadə edə bilmədik. Rəqibin fiziki cəhətdən güclü olması isə son dəqiqələrdə qapımızdan daha iki qol buraxmağımıza səbəb oldu. Ümumilikdə, düşünürəm ki, hesab oyuna görə olmadı”.
