Kanales 1 mövsümdə ən çox qol vuran legioner olub.
“Neftçi” klubunun futbolçusu Nikolas Kanales Azərbaycan çempionatları tarixinə düşüb.
Korner.az-ın məlumatına görə, çilili hücumçu 1992-ci ildən start götürən ölkə birincilikləri tarixində 1 mövsümdə ən çox qol vuran legioner olub.
Kanales Azərbaycan Premyer Liqanın XXV turunun “Qarabağ”la oyununda fərqlənməklə vurduğu qolların sayını 21-ə çatdırıb. O, bu qolla “Kəpəz”in gürcüstanlı legioneri Badri Kvaratsxeliyanı arxada qoyub.
Fevralın 23-də XXI turun “İnter”lə oyununda qol vurmaqla 20-yə çatan Kanales sonrakı 3 matçda qol həsrəti yaşamışdı. Kvaratsxeliya ilə şərikli rekordu 42 gün sürən çilili mütləq rekordunu ilk “altılığ”ın 3-cü turunda rəsmiləşdirdi.
Azərbaycan çempionatında 1 mövsümə ən çox qol vuran 5 futbolçu bunlardır:
1. Nikolas Kanales (Çili, "Neftçi") – 2012/13 mövsümü – 25 oyun, 21 qol
2. Badri Kvaratsxeliya (Gürcüstan/Azərbaycan, "Kəpəz") – 1997/98 – 22, 20
3. Georgi Adamiya (Gürcüstan, "Qarabağ") – 2010/11 – 30, 18
4. Oqtay Dərəlioğlu (Türkiyə, "Xəzər Lənkəran") – 2004/05 – 21, 17
5. Valter Quqlemon (Uruqvay, "İnter") – 2008/09 – 24, 17
