Əliyar Ağayev yenidən Superliqa matçına təyinat aldı
02.04.2021 , 11:14
Azərbaycanlı FİFA referisi Əliyar Ağayev yenidən Yunanıstan Superliqasının vacib oyununa təyinat alıb.
Korner.az-ın məlumatına görə, referimiz bu dəfə 18-ci turda keçiriləcək “Panatinaikos” – PAOK oyununu idarə edəcək. Əliyar Ağayevə Zeynal Zeynalov və Akif Əmirəli kömək edəcəklər.
Xatırladaq ki, bu hakimlərimiz ötən mövsüm, fevralın 2-də keçirilən “Pnatinaikos” – PAOK matçını (2:0) da idarə ediblər. Bundan başqa, Əliyar Ağayev 2019-cu ilin mart ayında Superliqada PAOK – “Atromitos” matçına da təyinat almışdı.
