Bu gün 17 yaşadək futbolçular arasında Avropa çempionatına start veriləcək.
Korner.az-ın məlumatına görə, Maltada keçirilən yarışın oyunlarını idarə edəcək hakimlər arasında Əliyar Ağayev də var.
FIFA referimiz artıq ilk təyinatını alıb. Ağayev Malta – İngiltərə oyununla ədaləti qoruyacaq hakimlər arasında olacaq. Belə ki, o, matçın dördüncü hakimi funksiyasını yerinə yetirəcək.
Bakı vaxtı ilə saat 21.00-da başlayacaq görüş Ta-Qalidəki Milli stadionda keçiriləcək. Matçın baş hakimi latviyalı Aleksandr Anufriyev olacaq. Ona gürcü David Çiqoqidze və sloveniyalı Yure Praprotnik yardım edəcək. Hakimlərin işinə isə yunan inspektor Kiros Vassaros qiymət verəcək.
