Martın 25-də cüdo üzrə 1998-2000-ci il təvəllüdlü oğlan və qız yeniyetmələr arasında “Zirvə” Beynəlxalq İdman Klubunun açıq birinciliyi keçirildi.
Korner.az-ın məlumatına görə, turnirdə 70-ə yaxın idmançı medallar uğrunda mübarizə apardı.
Yarışda “Zirvə” BİK-in Sumqayıt, Bakı, Abşeron və İsmayıllı filiallarının, həmçinin Sumqayıtın 2 saylı UGİM və İOEUGİM, həmçinin Bakının Yasamal UGİM-1 nümayəndələri tatami üzərinə çıxıblar.
“Bakı-Zirvə” cüdoçuları 3 qızıl, 2 gümüş və 1 bürünc medalla komanda hesabında turnirin qalibi olublar. İkinci yeri Sumqayıtın 2 saylı UGİM-i, üçüncü yeri isə “Sumqayıt-Zirvə” idmançıları tutublar.
