“Zirə”
heyətini Giorgi Qoroziya ilə gücləndirib.
Korner.az-ın
məlumatına görə, bu haqda klubun mətbuat xidməti xəbər yayıb.
Gürcüstanlı
mərkəz yarımmüdafiəçisi bu gün “qartallar”ın sıralarına
qoşulub. 22 yaşlı futbolçu mövsümün sonuna qədər “Zirə”nin formasını geyəcək.
Qoroziya “Zirə”yə Norveç çempionatının güclülər
dəstəsində çıxış edən “Stabek” klubundan gəlib. 2014-cü ildən “Stabek”də çıxış
edən yarımmüdafiəçi daha öncə vətənində Tbilisinin “Lokomotiv” və Kutaisinin
“Torpedo” klubunda forma geyib. Giorgi həmçinin, Gürcüstanın U-17, U-19 və U-21
yığmalarında oynayıb. O, 2012-ci ildə Gürcüstanın U-17 komandası ilə Avropa
Çempionatının yarımfinalına qədər yüksəlib.