“Zirə”nin iki rəqibi müəyyənləşdi
20.12.2018 , 16:52
“Zirə”nin Antalya toplanışında yoxlama oyunu keçirəcəyi rəqiblərdən 2-si müəyyənləşib.
Klubun mətbuat xidmətindən verilən məlumata görə, Samir Abasovun komandası yanvarın 15-də Qazaxıstan Super Liqasında çıxış edən “Taraz”, 18-də isə Rumıniyanın yüksək dəstəsində mübarizə aparan “Konkordiya” ilə qarşılaşacaq. Digər 2 rəqibin adına isə yaxın günlərdə aydınlıq gələcək.
Qeyd edək ki, “Zirə” yanvarın 13-dən 27-dək Türkiyədə hazırlıq keçəcək.
