“Zirə”dən yeni transfer – “Arsenal”ın yetirməsidir
14.01.2020 , 15:16
“Zirə” heyətinə yeni futbolçu cəlb edib.
Korner.az klubun saytına istinadən xəbər verir ki, Bakı təmsilçisi Alie Sesayla 1 il yarım müddətinə müqavilə imzalayıb.
Qeyd edək ki, London “Arsenal”ının yetirməsi olan 25 yaşlı sierra leoneli müdafiəçi daha əvvəl İngiltərəni “Lester”, “Kolçester”, “Kembric”, “Barnet”, İsveçin “Frey”, Yunanıstanın “Kissamikos” və Bolqarıstanın “Arda” klubunda çıxış edib. Futbolçu həmçinin Sierra Leone yığmasının da üzvüdür.
