“Zirə” futbol komandaı mətbuat konfransı keçirib.
Korner.az-ın məlumatına görə, konfransa komandada baş vermiş struktur dəyişikliyi barədə məlumat verilib.
Konfransa komandanın köməkçi məqşçisi Ayxan Abbasov, Zaur Həşimov, Elvin Məmmədov və komandanın baş məşqçisi Adil şükürov iştirak edib.
Yeni mövsümdən kapitanlıq sarğısını daşıyacaq Elvin Məmmədov bu barədə təssüratlarını bölüşüb:
“Ötən mövsüm bizim üçün uğurlu oldu. Bura qədər gəlmək asandı, burda qalmaq bir qədər çətindi. Əlimizdən gələni etməyə çalışacağıq ki, ötən ilki nəticəni təkrarlayaq. İşimizin məsuliyyətini bilirik. Biz işimizi görəcəyik. Qalan hər şey Allahın əlindədi. Bizim vəzifəmiz məşqçilərin dediyni yerinə yetirməkdi. Gördüyünüz kimi də komanda da yerlilər qalıb və ən çox legionerlər gedib”
Baş vermiş struktur dəyişikliyinə görə komandaya yeni təyin olunan məşqçi köməkçisi Zaur Həşimov da fikirlərini səsləndirib:
“Zirə” klubu böyük işlər üçün addımlayır. İlk addımlar artıq atılıb. Keçən ilin gümüş mükafatçısıyıq. Burda bir neçə adamın əməyi var. Təklif gələndə, başa düşdüm ki, məsuliyyətli bir işə dəvət edirlər. Maksimum öz işimin öhtəsindən gəlməyə çalışacam. Böyük komandaların iş strukturu da belədi. Hər yaş qrupunda eyni sistem var. Arzu edirəm ki, yeni mövsümdən “Zirə” də ən azı 2-3 yer uğrunda mübarizəni davam etdirəcək. Ən əsası da birincilikdi. Mənim də xeyrim dəyəcəyinə inanıram. Mən məsuliyyəti anlayıram çalışacam ki, il ərzində bütün səylərimi göstərim. Haqq ədalətlə komandaya dəstək olmağa çalışacam”
Əvəzedicilərin baş məşqçisi təyin edilən Ayxan Abbasov da öz fikirlərini səsləndirib:
“Biz ötən ildə də gördük ki, gənclərə dəstəyə ehtiyac var. 19 yaşlı komandamız ikinci yer tutdu. Birinci il üçün çox yaxşı nəticə idi. Qərara gəldik ki, bu gənclərə kömək olmaq lazımdı. Elə bir iş qurmaq lazımdı ki, futbolçular əsas komandaya gələndə əziyyət çəkməsin. 1996-97 təvəllüdlü futbolçulara üstünlük verib gələn mövsümə 5-6 futbolçu yetişdirmək istəyirik. Sırf belə bir işə getdik ki, bu gün yuxarı yaş komandası və digər futbolçular da əsas komanda ilə birlikdə məşq etsin. İnkişafı istəyiriksə ilk növbədə aşağı yaş qruplarından başlamalıyıq. Əsas problem meydança olacaq. Bu da həll olunacaq. Əvəzedici heyətdə bizə nəticə qoyulmayıb. Bizim orda əsas məqsəd futbolçu yetişdirməkdi. Əsas komandaya kömək etmək bütün məşqçilərin borcudu. Bu il ötən ildən də yaxşı oalcaq”
Yeni mövsümdən “Zirə” klubunda bütün yaş qruplarında eyni sistem tətbiq olunacaq. Belə olduqda aşağı yaş qruplarında əsas komandaya gələn futbolçularn adaptasiya problemi olmayacaq.
