Zirədə polislə “Neftçi” azarkeşi arasında qalmaqal yaşanıb

Topaz Premyer Liqasının VIII turunun son oyunu – “Zirə” – “Neftçi” matçında qalmaqal yaşanıb.

Korner.az-ın məlumatına görə, hazırda davam edən və meydan sahiblərinin 2:0 hesabı ilə qalib gəldiyi matçda “Neftçi” azarkeşləri ilə polis arasında insident yaşanıb.

Buna səbəb “ağ-qaralar”ın fanatlarından birinin “Zirə”nin vurduğu ikinci qoldan sonra “Neftçi” rəhbərliyini təhqir etməsi olub. Polis əməkdaşı həmin azarkeşi bölməyə aparmaq istəsə də, sonradan fikrindən daşınıb.