“Zirə” nigeriyalı futbolçunu göndərdi
06.01.2025 , 12:21
“Zirə” bir futbolçusu ilə yolları ayırıb.
Korner.az xəbər verir ki, bu barədə klubun yaydığı açıqlamada bildirilib.
Məlumata görə, klub Abbas İbrahimlə yollarını ayırıb.
Yarımmüdafiəçiylə “Zirə” arasında imzalanmış müqaviləyə qarşılıqlı razılaşma əsasında xitam verilib.
“Zirə” PFK futbolçuya klub üçün göstərdiyi xidmətə görə təşəkkür edib, gələcək karyerasında uğurlar arzulayıb.
Nigeriyalı 27 yaşlı futbolçu “Zirə”yə 2023-cü ilin fevralında keçmişdi. Onun klubla müqaviləsi bu ilin iyununda başa çatacaqdı.
A.Abrahim 2024/25 mövsümündə “Zirə”də az oyun şansı qazanıb. O, bütün turnirlərdə cəmi 8 oyuna çıxıb və 1 qol ötürməsi edib.
