İspaniya La Liqasında mübarizə aparan “Real” (Madrid) bu gün keçirilən püşkatma nəticəsində Çempionlar Liqasının ¼ final mərhələsində Almaniyanın “Bavariya” klubuna rəqib olub.
Korner.az-ın məlumatına görə, “Real”ın baş məşqçisi Zinəddin Zidan püştatmanın nəticəsi ilə bağlı bunları deyib:
“Bavariya”ya qarşı keçiriləcək matçlar asan olmayacaq. Çox çətin və güclü rəqibdi. Onaların bizdən qorxduğunu zənn etmirəm. Biz də onlardan qorxmuruq. Dəqiq olan odur ki, maraqlı oyunlar bizi gözləyir”.
Karlo Ançelotti ilə bağlı danışan fransalı: “Karlodan çox şey öyrənmişəm. Çox yaxşı insandı. Məncə, hər iki komandanın növbəti mərhələyə adlamaq şansı bərabərdir. Bir-birimizi çox yaxşı tanıyırıq”.
Püşkatmalarda isti və soyuq toplardan istifadə olunması ilə bağlı yayılan xəbərlər haqda təcrübəli mütəxəssis: “Mən inanmıram ki, belə bir şey edilsin. Bunu deyənlərə isə sadəcə, gülürəm”.
