Futbol

“Zidanın məşqlərini çox bəyənirəm” – Serxio Ramos

30.12.2016 , 15:04

“Real” Madrid klubunun və İspaniya Millisinin ulduz futbolçusu “Tvitter” sosial şəbəkəsində canlı yayımda müsahibə verib.

Korner.az-ın məlumatına görə, son dəqiqə qollarının adamı Serxio Ramos maraqlı açıqlamaları ilə yadda qalıb.

Həmin müsahibəni sizə təqdim edirik:

– “Real” Madridin kapitanı olmağının ən önəmli dəyəri nədir?

– Bu böyük bir məsuliyyətdir. Böyük bir komandada oynadığını bilməlisən. Təzyiq altında qalmağa öyrəşməlisən. Hər gün səndən yeni bir şey gözlənilir. Ən önəmlisi odur ki, heç vaxt təslim olmursan.

– Birlikdə işlədiyin ən yaxşı baş məşqçi kimdir?

– Əslində, çoxlu sayda yaxşı baş məşqçi ilə işləmişəm və hər birindən bir şeylər öyrənmişəm. Coakin Kaparrosun adını çəkə bilərəm. İlk dəfə onun baş məşqçiliyi altında La Liqa matçında iştirak etmişdim. Luis Araqones məni İspaniya Millisinə dəvət edən ilk baş məşqçi olub. Zinəddin Zidanın çalışmalarını çox bəyənirəm. İnanıram ki, futbolçu olduğu zaman əldə etdiyi təcrübələr onun fikirlərinə çox təsir edir. Zidanla özəl bir münasibətimiz var. Həmçinin, Visente del Boski və Karlo Ançelottinin də adlarını qeyd etməliyəm. Onlardan da çox şey öyrənmişəm.

– Oyunlara çıxmamışdan qabaq etdiyin xüsusi bir şey var?

– Hər oyundan qabaq ailəmə zəng edirəm. Həyat yoldaşıma, uşaqlarıma, atama və bötük qardaşıma zəng edirəm. Daha sonra musiqiyə qulaq asıram.  Həmişə meydana ilk sol ayağımla daxil oluram.

– Uşaq olanda heyran olduğun futbolçu kim olub?

– Bunu dəfələrlə demişəm. Arsız oyun tərzi və saçlarına görə Canayjianı bəyənmişəm. Mudafiənin mərkəzində istinad nöqtəm Paolo Maldinidir. Fernando Hierro həm yaxşı müdafiəçi, həm də möhtəşəm kapitan idi.

Son yazılar

Yuxarı