İspaniya La Liqasında mübarizə aparan “Real”ın (Madrid) baş məşqçisi Zinəddin Zidan “Barselona”ya qarşı keçiriləcək matçdan əvvəl təşkil olunan mətbuat konfransında jurnalistlərin suallarını cavablandırıb.
Korner.az-ın məlumatına görə, təcrübəli mütəxəssis:
“Barselona”ya qarşı qalibiyyət La Liqanı bitirməyəcək. Sadəcə bir oyun olacaq. Daha sonra 6 oyunda mübarizə aparacağıq. Hər qarşılaşmada olduğu kimi bu dəfə də 3 xalı hədəfləyirik. Belə oyunlarda nələrin olacağını heç kim bilmir. İlk matçımızda əlavə olunmuş dəqiqələrdə qol vura bilmişdik”.
“Barselona”nı tərifləyən fransız baş məşqçi: “Azarkeşlərimizin qarşısında oynayacağıq. Lakin “Barselona”nın “Santiaqo Bernabeu”da təzyiqlə üzləşəcəyini zənn etmirəm. Çempionlar Liqasında mübarizəni dayandırmaları da təzyiq yaratmaz. “Barselona” çox yaxşı komandadı. Bunu mövsüm boyunca görə bilirsiniz. Onları məğlub etmək istəyirsinizsə, çox yaxşı oynamalısız”.
Xatırladaq ki, “Real” – “Barselona” matçı sabah Bakı vaxtı ilə saat 22:45-də başlayacaq.
