Bu gün UEFA Superkubokunda 2 ispan klubu "Real" və "Sevilya" qarşılaşıb.
Korner.az-ın məlumatına görə, Çempionlar Liqasının qalibi Zidanın "Real"ı, Avropa Liqasının qalibi "Sevilya"nı məyus edib.
Bu matç rəqiblərin ikinci Superkubok duelidi. 2014-cü ildə də “Real” və “Sevilya” mükafatın qalibini müəyyənləşdirmişdi. Həmin vaxt Uelsin Kardiff şəhərində keçirilən görüşdə Madrid klubu daha güclü olmuşdu – 2:0. “Millenium”da hər iki qolu Kriştianu Ronaldo vurmuşdu. Portuqaliyalı “Sevilya”nın tarixində bu komandaya ən çox qol vuran oyunçudu – 22 top.
Əndəlüslülər isə ötən il gərgin mübarizədən sonra (“Barselona” – “Sevilya” – 5:4) əldən verdikləri qəniməti bu dəfə nəyin bahasına olursa olsun qazanmaq istəyirlər.
“Kral klubu” bu vacib oyunda zədə səbəbindən əsas ulduzu, son Avropa çempionu Kristiano Ronaldonun xidmətindən məhrum olub.
Norveçin Tronheym şəhərində keçirilən İspaniya derbisinin qalibi əlavə edilmiş ikinci hissənin sonuncu dəqiqəsində bəlli olub.
