“Dünənki və bugünki şahmatçılar güclü idi. Həm komanda olaraq, həm də mənim rəqiblərim. Bizim komandanın kapitanı Fikrət müəllim tapşırmışdı ki, mümkün qədər risk etmədən oynayım. Çüki hər iki komanda ilə heç-heçə bizi qane edirdi. Buna görə oynadıq, amma qalib gəldik. Sevincliyəm ki, bu qələbə mən də töhvə verdim”.
Korner.az-ın məlumatına görə, bu sözləri qadınlardan ibarət əsas yığmamızın üzvü Zeynəb Məmmədyarova deyib.
Rumıniyalı rəqibinə – Korina İzabella Peptana qalib gələn şahmatçımız mətbuat konfransında jurnalistlərin suallarını cavablandırıb:
“Bugünki oyunumda vəziyyət mənə uyğun idi. Aktiv durum idi, keyfiyyətdə uduzsam da… Sadəcə fiqurlarım yetərli idi ki, istənilən kombinasiyanı qurum. Vaxtın azlığı da mənə xeyirli oldu. Hücum edən tərəf üçün, vaxt nə qədər az olsa o qədər yaxşıdı.
Sözsüz ki, komanda üçün 0.5 xal da əhəmiyyət kəsb edir. İkinci oyunda meksikalı rəqibdən daha güclü idim. Vəziyyət bərabər idi. Risk etdim uduzdum. Bu 0.5 xal sonda özünü göstərəcək. Ona görə də hər xal önəmlidi
Atam bizim məşqçimizdi. Azərbaycanda eləcə də, əvvəllər dünyadaki yarışlarda atam da bizlə gəlirdi. Artıq böyümüşük, atam bizlə səfərə gəlmir. Lakin Azərbaycandaki yarışmalarda hər gün bizlə olur. O oyundan qabaq və sonra da bizə öz məsləhətlərini verir. Onun varlığı bizə həmiş uğur gətirib. Bundan sonra da, inanıram ki, uğurlar gələcək.
Son bir ildə siyasi fəaliyyətimlə ələqəar olaraq yarışlara az qatıldım. Amma oyunuma vətənsevərlik təsir edir. Ona görə də, uğurlu nəticələr qazanırıq. Builki yarışlarda kifayət qədər uğurlu oynamışam. İnanıram ki, sonuna qədər yaxşı oynayaq”.
Zeynəb Məmmədyarova qadın şahmatının inkişafı ilə bağlı danışıb:
“Qadınlarımız 21 yaşa qədər uğur qazana bilirlərsə yadda qalırlar, bundan sonra ailə həyatına görə şahmat ikinci plana keçir. Bu olimpiada hələki istəyimizə görə gedir. Olimpiadada 3-5 yerlərdə qərarlaşa bilərik. Gedişat da bunu göstərir. Səviyyəni artırmaq üçün 10-20 yaş arası qızlara xüsusi diqqət lazımdı. İstəyiriksə qadın şahmatı da kişilər kimi uğurlu olsun, onlara təqaüd ayırmalıyıq”.
Layihə AFFA yanında Media Komitəsi tərəfindən maliyyələşdirilir
